На овој остров ќе ги најдете најдобрите песочни плажи, најуникатните кафулиња и барови, како и најдобрите таверни каде се подготвува свежа морска храна.
Скијатос е навистина рај на земјата, со бујни борови шуми и кристално чисти лазурни води. И покрај брзиот раст на туризмот тука во последните децении, тој остров е сè уште живописен и недопрен и благословен со повеќе од 60 прекрасно чисти плажи.
Дефинитивно Скијатос е еден од најубавите острови во Егејското Море. Бродските тури околу Скијатос, како и оние што одат до соседниот остров Скопелос, ќе Ви овозможат да го истражите и доживеете овој осторв во целост. Плажата Лаларија нека биде прва на листата од места кои мора да ги посетите. Најголем дел од брегот во должина од 44 километри е прекриен со раскошни плажи.
Британскиот весник Тајмс неодамна ја објави својата листа на „15 најдобри грчки острови за посета во 2024 година“, на која Скијатос го обезбеди првото место со своите плажи што мора да се посетат.
Вила Зои 1 располага со 15 студиа, двокреветни, трокреветни и четирикреветни на ниско приземје, прв, втор и трет спрат. Секое студио има тераса, сопствен тоалет, клима, фен, пешкири,мини фрижидер. Дел од студијата имаат мини решо за подготовка на брза и лесна храна(не е класична кујна). Студијата на ниско приземје немаат кујна, и се продаваат како еко студија, со пониска цена. Вилата е во центарот на островот, и излегува на главната пешачка улица Пападијаманти. Постелнина и пешкири се менуваат двапати неделно, додека собите се чистат секое утро.
Вилата е оддалечена на 10-15 минути пеш од градската плажа Megali Ammos.